Лениногорскида идарәче компания инженерына боз сөңгеләре өчен штраф билгеләнгән

Лениногорскида Шашин урамындагы күпкатлы йортларның берсендә бишенче каттагы балконнан боз кисәге 6 яшьлек бала өстенә төшкән.

Баланы үзәк район хастаханәсенә озатканнар. Аннан мәгълүмат прокуратурага бирелгән, республика Торак инспекциясенә дә җибәрелгән.

Прокуратура материалларын караганнан соң, инспектор «Центр ЖКХ и С» идарәче компаниянең баш инженерын гаепле дип тапкан һәм 4 мең сум штраф билгеләгән.

Шулай ук хокук бозуларны бетерү турында да белешмә бирелде.

Чыганак: https://web.telegram.org/a/#-1001927237936