Лениногорскида көннәр җылынуга бәйле рәвештә түбәдән кар һәм боз кисәкләре төшү куркынычы артты

Торак-коммуналь хуҗалык үзәгендә әйтүләренчә, торак оешмалары кар җыю белән ныклап шөгыльләнә. Көн саен явым-төшемгә каршы көрәшкә 73 урам себерүче һәм 11 трактор чыга. Иң беренче ишегалды территорияләре, йортларга керү төркемнәре, тротуарлар. Һәм, әлбәттә, түбәләрне чистарталар, анда  шактый кар җыелган. Аларны 3 күтәрү агрегаты чистарта, кешеләр дә эшли.

Шулай да саклык чарасын үзегезгә дә күрергә кирәк, игътибарлылык сорала. 

Әгәр кызыл, сигнал ленталары һәм вакытлыча киртәләр куелган икән, димәк, ул җирдә йөрмәвегез хәерле.

Биналар яныннан узганда, асылынып торган боз сөңгеләренең булмавына инаныгыз.

Транспортны саклагыз. Автомобильләрне түбәләрдә кар җыелган биналарга якын  куймаска тырышыгыз.

Әгәр дә  үз йортыгыз түбәсендә куркыныч участок яки боз сөңгеләре күрсәгез, бу хакта кичекмәстән үзегезнең хезмәт күрсәтүче оешмага хәбәр итегез.

Менә Лениногорскида хезмәт күрсәтүче еошмаларның телефоннары:

«Жилсервис» - 8(85595) 4-30-89 
«Наш дом» - 8(85595) 2-80 -10
«Коммунальник» - 8(85595) 5-33-50
«Оникс» - 8(85595) 6-37-07
«Арго» - 8 (85595)  5-25-31
«Техника» - 8 (85595) 2-17-00
«Домстрой» - 8 (85595) 5-22-59

фото: ЖКХ и С