Лениногорскиның бер мәктәбендә тәртип өчен билге куя башлаячаклар

Яңа - 2025-2026 уку елыннан Татарстанның 13 мәктәбендә тәртип өчен билге куя башлаячаклар.

Бу хакта педагогик хезмәткәрләрнең республика август киңәшмәсенең пленар утырышында ТР мәгариф һәм фән министры Илсур Һадиуллин хәбәр итте.

Бу уку елыннан совет чорындагы тәҗрибәне – тәртип өчен билге куюны кире кайтарабыз. Әлегә механизм сынау режимында кертеләчәк», – дип сөйләде Мәгариф министрлыгы башлыгы.

Әлеге экспериментка Казанның 43, 55, 98, 156 номерлы мәктәпләре, Чаллының 31, 34, 55 номерлы мәктәпләре, Түбән Каманың 33 номерлы мәктәбе һәм 31 номерлы лицее, Әлмәтнең 21 номерлы һәм Лениногорскиның 8 номерлы мәктәпләре, Бөгелмәнең 7 номерлы һәм Алабуганың 1 номерлы гимназияләре кушылачак.

https://tatar-inform.tatar/news/tatarstannyn-13-maktabenda-tartip-ocen-bilge-kuya-baslayacaklar-5927719