Машина йөртүчеләр өчен алкоголь йозакларын 2030 елга кадәр гамәлгә кертү планлаштырыла
Чараларны гамәлгә ашыру вакыты - 2026-2030 еллар.
Алкоголь йозаклары һәм арыганлыкны, шулай ук машина йөртүченең игътибарын читкә юнәлтүен контрольдә тоту системаларын куллану критерийлары якындагы дүрт елда билгеләнәчәк. Бу хакта ТАСС хәбәр итә.
Йөртүченең сулышында алкоголь парлары булганда двигательне эшләтеп җибәрүне блоклау системаларын, йөртүченең хәле турында мәгълүмат җыю системаларын (йокы һәм игътибарны читкә юнәлтү билгеләрен ачыклау), шулай ук тизлекне, йөртү манерасын һәм хезмәт һәм ял режимын үтәүне дистанцион контрольдә тоту системаларын куллану критерийларын билгеләү зарур, дип билгеләп үтелә документта.
Чараларны гамәлгә ашыру вакыты - 2026-2030 еллар. Җаваплы итеп Сәнәгать һәм сәүдә министрлыгы, Транспорт министрлыгы, Эчке эшләр министрлыгы, Цифрлар министрлыгы һәм Росстандарт билгеләнгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев