Татарстанда соңгы тәүлектә 33 кеше коронавирус йоктырган
Татарстанда соңгы тәүлектә яңа төрдәге Covid-19 коронавирус инфекциясе йоктыруның 33 яңа очрагы ачыкланган. Аларның икесе генә инфекцияне чит илдә эләктереп кайткан, калган пациентлар әлеге авыруны республикада йоктырган.
Алты пациент хастаханәгә озатылган, 27 кеше өендә дәвалана.
Авыруларның күбесе — 30-50 яшь (11 кеше), шулай ук 18-30 яшь (6 кеше) аралыгында ачыкланган.
Казанда инфекция йоктыруның — 27, Чаллыда — өч, Яшел Үзән районында ике очрагы теркәлгән.
Эпидемия башланганнан алып республикада яңа төрдәге Covid-19 коронавирус инфекциясенең 5248 очрагы теркәлгән, 4104 кеше (шуларның 29ы — узган тәүлектә) терелгән.
https://tatar-inform.tatar/news/health/20-07-2020/tatarstanda-so-gy-t-lekt-33-keshe-koronavirus-yoktyrgan-29-patsient-terelg-n-5757816
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев