Татарстанда торак-коммуналь хуҗалык өчен түләү мәсьәләләре буенча кая мөрәҗәгать итәргә кирәклеген аңлаттылар

Квитанциядә коммуналь һәм торак хезмәтләренә тарифлар, куллану күләмнәре, түләүгә йомгаклау суммасы һәм башка белешмәләр күрсәтелә. Шул ук вакытта бу өлкәдә төрле ведомстволарның вәкаләтләре бүленгән.

Тарифлар буенча дәүләт комитеты коммуналь хезмәтләргә тарифларны җайга сала һәм контрольдә тота. Сүз җылылык, салкын һәм кайнар су белән тәэмин итү, су агызу, газ, электр белән тәэмин итү һәм каты коммуналь калдыклар белән эш итү турында бара. Әгәр халыкта тариф күләме яки аны түләү документында куллану дөреслеге буенча сораулар туа икән, аларга нәкъ менә комитетка мөрәҗәгать итәргә кирәк.

Ни өчен түләү артырга мөмкин? Йомгаклау сумма тарифка гына түгел, кулланылган ресурсларның фактик күләменә дә бәйле. Мәсәлән:

салкыннар чорында җылылык күбрәк тотыла; су яки электр энергиясе куллану арта; алдагы айлар өчен яңадан исәпләү кертелә.

Өстәмә түләүләр булдырмас өчен белгечләр исәпләү приборлары күрсәткечләрен вакытында тапшырырга киңәш итә.

Торакны карап тоту, агымдагы ремонт, күпфатирлы йорт белән идарә итү, капиталь ремонт үткәрү мәсьәләләре Тарифлар буенча Дәүләт комитеты компетенциясенә керми.

Мондый очракларда иң элек идарәче компаниягә мөрәҗәгать итәргә кирәк. Әгәр җавап канәгатьләндермәсә яки бөтенләй булмаса, гражданнар Татарстан Республикасы Дәүләт торак инспекциясенә гариза бирә ала.

Татар-информ

фото: Фото: © Владимир Васильев / «Татар-информ»