Төркия Президенты Владимир Путиннан гафу үтенде

Төркия Президенты Рәҗәп Эрдоган 24 ноябрьдә Сирия-Төркия чигендә Россиянең Су-24 очкычының бәреп төшерелүе һәм очучының үлеме уңаеннан ил башлыгы Владимир Путиннан гафу үтенде.

Шунысы игътибарга лаек: бу - Рәҗәп Эрдоганның ул хәлләрдән соң әле беренче тапкыр гына гафу үтенүе.

Төркия Президенты Владимир Путинга җибәргән хатында килеп туган хәлгә карата үкенүен һәм Россия-Төркия арасындагы дустанә мөнәсәбәтләрне кабат җайга салу өчен барысын да эшләргә, төбәктәге кризис хәлләргә, террорчылыкка каршы берлектә көрәшергә әзер булуын җиткергән. Бу хакта Россия Президентының матбугат сәркатибе Дмитрий Песковның сүзләренә таянып, федераль мәгълүмат чыганаклары хәбәр итте.