Лениногорск кызлары республиканың иң осталары арасында
Шушы көннәрдә генә башкалабыз Казанда нәфис гимнастика буенча Ачык турнир булды.
“Салават күпереннән дә югарырак” дигән исем белән узган әлеге бәйгедә 600 яшь гимнаст катнашты.
Алар бер-берсе белән осталык, җитезлек һәм артистлык таланты буенча көч сынаштылар. Әлбәттә инде үзләре сайлап алган спорт төренә мәхәббәтләре ни дәрәҗәдә булганлыгын да чыгышлары ярдәмендә күрсәтергә тырыштылар.
Лениногорскиның 1 нче спорт мәктәбе тренеры Ольга Сучкова кул астында шөгыльләнүче яшь гимнастлар анда шәһәребез данын яклады. Ачык турнирга гимнастларның осталардан-осталары җыелган иде. Әмма Лениногорск кызлары көндәшләренең көчле булуына карамастан , иң оста чыгыш ясаган ун гимнаст арасында урын алды. Безнең Арина Фатыйхова – дүртенче, Аделя Ялакова – бишенче, Алинә Хәмәтшина алтынчы урыннарга чыктылар. Гимнаст кызларыбызга һәм аларның тренерларына алга таба да уңышларга ирешүләрен телибез.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев