Россия Кубогына шахмат ярышлары дәвам итә. Аның тагын бер этабы июньнең азаккы атнасында Тольятти шәһәрендә узды.
Унбишенче Тольятти шәһәре округы Кубогы турниры – Россия Кубогына барган уеннарның бер өлеше булып тора. Ә июньнең башында Россия Кубогына барган уеннарның бер этабы Казанда үткән иде. Анда Лениногорскиның яшь шахмат остасы Маргарита Соловьева 3 нче- дәрәҗәле урынга чыкты. Ул Тольяттидә үткән турнирда да катнашты.
Бу ярышларда Маргарита үз-үзенә нык ышаныч белән уйнады. Турнирда шахматчылар яшь буенча төркемнәргә бүленеп, үзара көч сынаштылар. Үз яшендәгеләр арасында Лениногорск шахматчысы, көндәшләрен бер-бер артлы җиңеп, беренче урынга чыкты. Яшь шахмат остасын һәм аның остазларын чираттагы уңышлары белән котлыйбыз!
Нет комментариев