Лениногорскилылар, Татарстанда һава торышы бозылу сәбәпле, ерак юлларга чыкмаска киңәш ителә

Юлларда бозлавык булуы ихтимал.

Татарстан Республикасы буенча Эчке эшләр министрлыгының ЮХИДИ идарәсе һава торышы начараю сәбәпле, машина йөртүчеләргә ерак юлга чыкмаска киңәш итә. Бу хакта идарәнең матбугат хезмәте яза.

Метеорологлар хәбәр иткәнчә, республика территориясендә юеш кар кар һәм яңгыр явуы көтелә. Җилнең тизлеге секундына 16 метрга җитәчәк. Температура түбәнәю сәбәпле, юлда бозлавык барлыкка килү ихтималы бар.

Машина йөртүчеләргә юлда игътибарлы булырга киңәш ителә. Юл һәм метеорологик шартларны исәпкә алып, куркынычсыз юл хәрәкәтен тәэмин иткән тизлекне сайлау кирәк. Шулай ук куркыныч маневрлардан да баш тарту мөһим.