Лениногорск районында авыл хуҗалыгы техникаларын тикшерү үтте

Гадәттәгечә, көз көне кыр эшләре тәмамлангач, техникаларны саклауга кую буенча конкурс үткәрелә. Махсус комиссия карап тикшерә, җитешсезлекләрне ачыклый. Быел комиссия составында республика авыл хуҗалыгы һәм азык-төлек министрлыгыннан инженер-техник бүлек начальнигы Ришат Булатов һәм "Россельхозцентр"ның Татарстан филиалы җитәкчесе урынбасары Рафис Хәбибуллин бар иде.

Алар авыл хуҗалыгы идарәсе белгечләре белән райондагы техника торышын тикшерде. Соңыннан конкурс нәтиҗәләре буенча урыннар билгеләделәр. Беренче урында "Лениногорская" агрофирмасының Урдалы бүлекчәсе, икенчедә - "Сатурн-Урал" хуҗалыгы.