Әнвәр Нургалиевның күңелендә нинди төер?
Кичә Башкортстанның атказанган артисты Әнвәр Нургалиевнең туган көне булды.
Бу көнне ул әнисе янына дәваханәгә барган. "Әни, савыга инде, янында апабыз", - дип язган ул Инстаграмына.
"Әни, синең бәйрәмең инде бу. Котлыйм сине минем туган көн белән", - ди Әнвәр.
Туган көнендә ул "Татар тудей" хәбәрчесе белән әңгәмәләшкән. Анда балалар белән әти-әниләр арасындагы мөнсәбәтләргә дә кагылган.
Җырчы, үзе еш гастрольдә булу сәбәпле, балаларына тиешле игътибар биреп җиткермәгәненә хафалана.
— Кызганычка каршы, балаларга игътибар әзрәк булды. Мин шуның өчен борчылам. Бала бәләкәй чагыннан ук бергә булырга кирәк, аның тәрбиясе бездән тора. Улым әйтә: «Әти, син кирәк вакытны була алмадың безнең белән», - ди. Күңелдә хәзер дә шуның өчен авыр төер тора, - ди ул.
Автор: Резеда Галикәева
Фото: https://vk.com/anvarnurgaliev
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев