Керкәле буасында бер ир-ат суга батып үлгән
Лениногорск районында бер ир-ат дуслары белән буа ярында кәеф-сафа корып утырганнан соң суга батып үлгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Кичә 14.40 сәгатьтә 112 бердәм номерына Лениногорск районында бер ир-атның күлгә батуы хакында хәбәр килгән.
Урынга 7нче зона янгын-коткару отряды хезмәткәрләре юл тоткан. Урында алар өч ир-атның күл буенда кәеф-сафа корып утыруын ачыклаган. Дусларның берсе исерек хәлдә су кереп чыгарга уйлаган. Ир-атлар аның судан чыкканын көтеп тормаган, әйберләрен җыеп, китеп барган.
Коткаручылар сулыкны җентекләп тикшергәч, яр буеннан 15 метр ераклыкта ир-атның мәетен табып алган. Аны яр буена алып чыгып, полицейскийларга тапшырганнар.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев