Лениногорскидагы Нәүрүз бәйрәменә Азәрбайҗаннан биючеләр килде

Бүген кояш елмаймаса да, юеш кар явып торса да, яз җитүе һәркемдә сизелә.

Шәһәрдә  яшәүче милли диаспоралар һәм Мәдәният сарае бәйрәмне уздыруга өлеш керттеләр. Азәрбайҗан диаспорасы Нәүрүз бәйрәменә махсус ризык - сүмәләк пешергәннәр.

Бер шәһәрдә төрле милләт вәкилләре дус-бердәм булып яшәүчеләрне район башлыгы Рәгать Хөсәенов котлады. 

Театральләштерелгән күренештә Кыш бабайны яз гүзәле Нәүрүзбикә үзенең дуслары белән җиңде, Кыш бабай үз урынын аңа тапшырды.

"Зиләйлүк", Илгизә Галләмова чыгышлары бик матур иде.

Азәрбайҗан Республикасыннан килгән махсус кунаклар - бию ансамбле егет-кызлары үзенең сокландыргыч биюләре белән бәйрәмне бизәде.

Шашлык, пылау пешерделәр.

Балалар спорт уеннарында катнашты.

Розалия Мостафина фотолары