Лениногорскиның 14 нче бакчасында фликер кирәклеген беләләр (фотолар)

Юл йөрү куркынычсызлыгының IV Глобаль атналыгы кысаларында шәһәребезнең 14 нче балалар бакчасында "Ялтыра. Күзгә ташланып тор!" дигән акция узды.

Бакча ишегалдында узган әлеге чарада әзерлек һәм өлкән төркемгә йөрүче балалар катнашты. "Светлячок" әзерлек төркеменә йөрүчеләр юл йөрү кагыйдәләрен ничек үтәүләре, киемнәрендә яктылык кайтаручы элементларның ни өчен кирәк булуы турында шигырьләр сөйләде. "ТР Юл хәрәкәте куркынычсызлгы программаларын финанслау дирекциясе" Лениногорск филиалы начальнигы Зөлфия Рахманова алып килгән өстәмә фликерлар таратты. Бакча җитәкчелеге үзләре ясаган буклетлар өләште.