Татарстан төбәк юлларында ел ахырына кадәр тагын биш метеостанция урнаштырылачак

Татарстанда төбәк автомобиль юлларында бу ел ахырына кадәр тагын биш метеостанция урнаштырылачак. Бу хакта «Главтатдортранс» директорының эксплуатация буенча урынбасары — юлларны һәм күпер корылмаларын ремонтлау һәм карап тоту идарәсе башлыгы Зөлфәт Ханмурзин хәбәр итте.

Хәзерге вакытта Татарстанда төбәк автомобиль юлларында 28 метеостанция эшли, дип сөйләде агентлык әңгәмәдәше. "Тагын биш метеостанция өстәмә рәвештә урнаштырылачак. Ул чакта төбәк юл челтәренең 90% ы колачланачак — һәр метеостанциянең үз өслек зонасы бар, ул аның турында мәгълүмат бирә», — дип ассызыклады.

Ханмурзин сүзләренә караганда, яңа станцияләр Казан, Чаллы һәм Түбән Кама агломерацияләрендә барлыкка киләчәк.

Идарә башлыгы билгеләп үткәнчә, быел ситуацион үзәкне модернизацияләү башкарылган, ул «төбәк автомобиль юлларын эксплуатацияләү буенча бөтен эш өчен җавап бирә».

https://www.tatar-inform.ru