Заман сулышы

Таһир абый Шәмсуаровтан өр-яңа шаян шигырь

Табиб киңәшләре Сагыз чәйнәгән кешенең Ашказаны бозыла. Ак майга да үрелмәгез- Күзләрегез кысыла. Симез иттән ваз кичегез, Чучка төсле симертә. Сөт-каймак эчү тыела- Кан йөрешен киметә... Тавык итен ашамагыз, Тик шулпасын эчегез. Ансыннан баш тартсагыз Арта барыр көчегез. Яңа пешкән күмәчнең дә Чик-чамасын белегез. Иң әйбәте-катып беткән Кыерчык кимерегез. Кулланмагыз...

Табиб киңәшләре
Сагыз чәйнәгән кешенең
Ашказаны бозыла.
Ак майга да үрелмәгез-
Күзләрегез кысыла.
Симез иттән ваз кичегез,
Чучка төсле симертә.
Сөт-каймак эчү тыела-
Кан йөрешен киметә...
Тавык итен ашамагыз,
Тик шулпасын эчегез.
Ансыннан баш тартсагыз
Арта барыр көчегез.
Яңа пешкән күмәчнең дә
Чик-чамасын белегез.
Иң әйбәте-катып беткән
Кыерчык кимерегез.
Кулланмагыз йомырканың
Чиен дә пешкәнен дә.
Каба күрмәгез коймакның
Табадан төшкәнен дә.
Һинд чәеннән сакланыгыз,
Зинһар аңлап калыгыз.
Үзебезнең чыкмый торган
Чәйне күбрәк салыгыз...
Иртә-төш тик су эчегез,
Һәм эшкә юнәлегез.
Ятып бераз ял итегез
Мөшкелләнсә хәлегез...
Әйткәннәрне үтәсәгез
Озын гомер узарсыз.
Гафу, мин шаярдым гына
Юкса аяк сузарсыз!..
Таһир Шәмсуаров

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: