Лениногорскида "Чаңгы юлы -2020" спорт чарасында 1 мең 500 дән артык кеше катнашты

Быел "Россия чаңгы юлы" Демография" илкүләм проекты кысаларында үтте.

"Яшьлек" спорткомплексы территориясе шау-гөр килеп торды. Бу көн спорт сөюче 1 мең 500дән артык лениногорскилыны берләштерде.

Спорт бәйрәменә килүчеләрне башкарма комитет җитәкчесе урынбасары  Владимир Друк сәламләде.

Бу көнне "Спартакиада -2019" җиңүчеләрен котладылар. 1 урында - "Лениногорскнефть", икенчедә - "Җылылык челтәрләре", өченчедә - "Лениногорскгаз" иде.

Лыжняда беренче булып стартка - хатын-кызлар басты. Алар 1 километрга йөгерде.

Ир-егетләр исә 2 км га чапты. Финишка килүчеләрне сувенир-бүләк һәм кайнар чәй көтеп тора иде.