Татарстан яшьләрен “Твой ход” бәйгесендә катнашырга чакыралар

Бәйгедә чыгарылыш семестрында  булмаган барлык бакалавриат һәм университет студентлары катнаша ала. Алар мәдәният, сәнгать, экономика, экология, урбанистика – барлыгы 11 юнәлеш буенча үзләренең  идеяләрен тәкъдим итә алачак. Бу юнәлешләр арасында “Шәһәрләрне үзгәртәм”, “Табигатьне саклыйм”, “Илһамландырам”, “Иң мөһимен сөйлим” дигән баш астындагылары бар. Аларның теләгәнен сайлап алырга була. Тема студентның булачак профессиясенә туры килмәскә дә мөмкин. Бәйге 3 этапта үтәчәк. Бәйгедә катнашучыларга, аның партнёрлары кыйммәтле бүләкләр, сертификатлар, онлайн уку курслары, Россия буенча сәяхәткә юлламалар тапшырачак. Ә финалга чыкан 200 студентны 1000 000 сумлык грантлар көтә. Бәйгедә катнашу өчен 12 нче июньгә кадәр https://tvoyhod.online  адресы буенча теркәлергә кирәк. Проектның социаль челтәрләрдәге адресы түбәндәгечә:

https://www.instagram.com/tvoy.xod/

https://vk.com/tvoyhodonline

https://minmol.tatarstan.ru/