"Исток-Башлангыч" хезмәткәрләре тыл һәм сугыш ветеран хатын-кызларының хәлләрен белешә

Халыкка социаль хезмәт күрсәтү комплекслы үзәгендә мондый очрашулар ай саен үткәрелә. Ветераннар тормыш тәҗрибәсе белән уртаклаша, авырлыклар  турында сөйли, кызганыч, алар көннән-көн кими бара. Бу юлы социаль хезмәткәрләр һәм волонтерлар Вагизова Срур, Гирфанова Саидә, Насретдинова Камәрия янында булдылар.

 Очрашуда катнашучыларның барысына да 90 яшь тулса да, алар элеккечә үк шат һәм актив, үткән елларның барлык даталарын һәм вакыйгаларын бик яхшы хәтерлиләр.

- Без гел яхшы эшләргә тырыштык, боларны Ватаныбыз хакына, балалар хакына эшләдек.  Хәзер һәр көнгә сөенеп туя алмыйбыз, зарланып йөрмәдек,  - ди ветеран Камәрия апа. 

Әбиләр очрашуга шат булдылар, рәхмәт әйттеләр. "Сугыш хатын-кыз йөзе түгел" республика проекты кысаларында узган очрашу соңгысы булмас әле.