Лениногорск китапханәчеләре һөнәри бәйрәмнәрен билгеләп үтте (фотолар)

Шәһәр һәм район китапханәчеләре, әлеге тармак ветераннары һөнәри бәйрәмне - Гомумроссия китапханәләр көнен билгеләп үтте.

Китапханә системасы хезмәткәрләрен шәһәр башлыгы урынбасары Гөлфирә Рафикова, Мәдәният идарәсе начальнигы Гөлнара Зарипова котлады, иң яхшыларын Мактау грамоталары, Рәхмәт хатлары белән бүләкләделәр. Үзәкләштерелгән китапханәләр системасы директоры Ландыш Хәйруллина, хезмәт коллективы рәисе Елена Афанасьева тәбрикләү сүзләре җиткерде. 50 елга якын шушы тармакта эшләгән ветеран Раиса Добрынина истәлекләре белән бүлеште. Башка китапханәләрдән коллегаларының видеокотлавы да күңелле күренеш булды.