Лениногорскида эш урыннары тәкъдим иттеләр

Эш эзләүчеләр янына 19 предприятие-оешмалардан кадрлар хезмәте вәкилләре килгән иде. Алар  138 вакансия тәкъдим итте. Араларында агроном, ветеринар табиб, азык-төлек мастер-технологы, зоотехник, тәэмин итү буенча инженер, аш пешерүче, кондитер, токарь, слесарь, электрчы, электр белән эретеп ябыштыручы, биналарны җыештыручы кебек һөнәрләргә ихтыяҗ бар иде.

Эш эзләүчеләргә шулай ук мәшгульлек үзәгенең вакансияләре дә тәкъдим ителде. Анда 142 оешмадан 900дән артык вакансия бар.
Ярминкәгә 144 эш эзләүче килде. Алар арасында бөтенләй дә эшсезләр, кулай һөнәр эзләүчеләр бар иде. Предприятие-оешма вәкилләре белән турыдан-туры аралашу мөмкинлеге алдылар, сөйләштеләр, резюмеларын калдырдылар.

Ярминкәдә катнашучылар өчен политехник колледж студентлары көче белән  “Яшь профессионаллар” (WorldSkills) милли чемпионаты катнашучыларының эшләре күргәзмәсе дә оештырылды. Күргәзмәне барысы да ошаттылар.

Фото: Центр занятости