Лениногорскида "Илһам канатында" бәйгесе үтте

Әлеге чара  Лениногорск Мәгариф идарәсе, шәһәребезнең “Чишмә” иҗат берләшмәсе   катнашында үткәрелде. 

Бәйге патриот шагыйрь, Советлар Союзы Герое  Муса Җәлилнең тууына 115 ел,  бөек классигыбыз Г.Тукайның тууына 135 ел тулуга, туган телләр һәм халыклар бердәмлеге елына багышланды. 

Төбәкара шигырь фестивалендә Мордовия республикасы Рузаевка районы Татар Пешләсе авылының Шәриф Камал исемендәге урта мәктәбе укучылары һәм укытучылары, Актаныш, Азнакай, Әлмәт, Лениогорск, Мөслим муниципаль районнарыннан килгән яшь каләм осталары көч сынашты.

Укучыларның эшләренә бәя бирелде һәм җиңүчеләр мактау кәгазе белән бүләкләнде.      

Галия Хәлимова, 4нче мәктәп