Заман сулышы

Лениногорскилыдан наркотик матдә алганнар

Лениногорск хокук сакчылары пропуск пункты хезмәте буенча эшләгәндә шәһәргә керү вакытында яшь ир-егетне наркотик матдә белән тоткарлыйлар.


Чайковский урамы буенча шәһәргә кергәндә, документ тикшергәндә 19 яшьлек лениногорскилының паспорты эченнән порошок хәлендәге матдә белән пакет алына.

Машинаның эчке ягын тикшергәндә, тагын 16 төргәк табыла. Шуның алтысы газлы эчемлек шешәсенә тутырылган була. Үткәрелгән экспертиза нәтиҗәсе буенча алынган матдәләр – наркотик матдәләр булып исәпләнә. Гомуми авырлыгы – 16, 34 грамм.

Яшь ир-егет әйтүенчә, наркотик матдәне Лениногорскида сатар өчен алып бара торган булган. Аңа карата җинаять эше ачылды. Шунысын да әйтергә кирәк: яшь ир-егет элек тә берничә мәртәбә наркотик матдә кулланган өчен, саклаган өчен хөкем ителгән.

Реклама

 

Эчке эшләр бүлеге матбугат хезмәте.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: