Рөстәм Миңнеханов "Безнең ишегалды” программасын тормышка ашыру дәвам итәчәк дип ышандырды

“Ишегалларын төзекләндерү программасы башлап өч елга гына планлаштырылса да, барлык ниятләгән эшләрне тормышка ашыру өчен кимендә тагын биш ел кирәк,”- дип белдерде республика җитәкчесе. Ул, шулай ук,  программаның бик яхшы булуын әйтте. Аны тормышка ашыру эшенә алынган подрядчикларның сыйфатлы һәм үз вакытында эшләргә тиешлеген дә искәртте. “Ишегалды пенсия яшендәге кешеләр, кечкенә балалары булган әниләр өчен яшәү мохитының бер өлеше ул,- диде Президент. Бу турыда ул республика һәм федераль матбугат чаралары вәкилләре белән очрашуда сөйләде.