Тагын өч ил Россиядә җитештерелгән «Спутник V» вакцинасын хуплады
Препаратны теркәгән илләрнең гомуми саны 42гә җитте.
Тагын өч ил (Конго, Ангола һәм Джибути) Россиядә җитештерелгән «Спутник V» вакцинасын хуплады.
Россия туры инвестицияләр фонды матбугат хезмәте хәбәр иткәнчә, барлык очракларда да вакцинаны теркәү тизләтелгән процедура буенча узган.
Н.Ф.Гамалея исемендәге үзәктә уйлап табылган Россия препараты 2020 елның августында теркәү процедурасын узган коронавируска каршы дөньядагы беренче вакцина булды. Хәзерге вакытта «Спутник V» дөньяда хуплаулар саны буенча беренче өчлеккә керә һәм ул 42 илдә теркәлгән.
«Хәзерге вакытта „Спутник V“ вакцинасын куллану Россия, Беларусь, Аргентина, Боливия, Сербия, Алжир, Палестина, Венесуэла, Парагвай, Төрекмәнстан, Венгрия, Берләшкән Гарәп Әмирлекләре, Иран, Гвинея Республикасы, Тунис, Әрмәнстан, Мексика, Никарагуа, Сербская Республикасы (Босния һәм Герцеговина энтитеты), Ливан, Мьянма, Пакистан, Монголия, Бәһрәйн, Черногория, Сент-Винсент һәм Гренадина, Казахстан, Үзбәкстан, Габон, Сан-Марино, Гана, Сирия, Кыргызстан, Гайана, Мисыр, Гондурас, Гватемала, Молдова һәм Словакия тарафыннан хупланган», - дип хәбәр итә Россия туры инвестицияләр фондының матбугат хезмәте.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев