ЯҢАЛЫКЛАР
Җәй сагындыра: Лениногорскиның "халык синоптигы" Ринат абый да аптырашта
Лениногорскида яшәүче "халык синоптигы" Ринат абый Ибраһимов үзенең дәфтәренә табигать үзенчәлекләрен гел язып бара. Шулар буенча төрле ел фасылларының ничек киләчәген фаразлый. Хәзерге вакытта ул да аптырашта. - Мондый җәйнең булганын искә төшерә алмыйм, - ди. -1968 елдан бирле һава торышын, тирә-як мохитен күзәтәм, мөһим булганны терким, әмма мондый салкын...
Лениногорскида яшәүче "халык синоптигы" Ринат абый Ибраһимов үзенең дәфтәренә табигать үзенчәлекләрен гел язып бара. Шулар буенча төрле ел фасылларының ничек киләчәген фаразлый. Хәзерге вакытта ул да аптырашта.
- Мондый җәйнең булганын искә төшерә алмыйм, - ди. -1968 елдан бирле һава торышын, тирә-як мохитен күзәтәм, мөһим булганны терким, әмма мондый салкын җәйне хәтерләмим. Яз иртә килде, әмма нык сузылды. Узган ел белән чагыштырганда бөртеклеләр дә өч атнага соңарып чәчелде, бәрәңге утырту да ике атнага кичектерелде. Бу - начар күренеш, чөнки үсемтеләрнең үсү вакыты күчә, алар өлгермәскә мөмкин. Кояш юк, салкын. Бусы - бер. Икенчедән, урып-җыю вакыты да күчәчәк. Ә ул яңгырлы, дымлы вакытка туры килергә мөмкин.
Бер сынамыш бар: 1,2 июнь яңгыр яуса, җәй коры киләчәк, ә көз яңгырлы булачак. 3 июнь яңгыр булса, сентябрьнең икенче яртысында һава тишелер, яңгыр явар. Бу көннәрне һава тишелгән кебек булды, мулдан иште. 6 декабрьдә кар яуса, җил төньяктан иссә, июнь беткәнче яңгыр булачак. Кар яумады, әмма 6 июнь яңгыр булса, дымлы сентябрьнең килүе көтелә. Бусы туры килде. Шулай да барысы да Ходай кулында!" - дип сөйләде Ринат абый.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев