Зеленая Роща авылы китапханәсендә туган тел һәм халыклар бердәмлегенә багышланган фестиваль булды

Китапханәгә төрле милләт вәкилләреннән булган иң актив китап укучылар, өлкән сыйныф укучылары һәм укытучылар җыелды. Татар һәм рус телләрендә "Туган телем-татар теле", "Родной язык, как ты прекрасен"  баш астында китап күргәзмәләре куелган иде. Фестивальне авыл җирлеге башлыгы Артемий Потапов тантаналы итеп ачып җибәрде. Китапханә хезмәткәрләре Әлфия Хафизова һәм Оксана Мөхәммәтҗанова  бәйрәм чарасын  татар һәм рус телләрендә алып бардылар. Бәйгеләр һәм викториналар шулай ук ике телдә үтте. Азактан һәр катнашучыга “Күпмилләтле халыклар мәдәнияте” дип аталган буклетлар бүләк иттеләр, бергәләшеп “Туган тел"не  җырладылар.