Лениногорскида "Куркынычсыз тәгәрмәч-2021" конкурсының муниципаль этабы узды

Бу хакта “Юл хәрәкәте куркынычсызлыгы” учреждениесенең профилактика бүлеге җитәкчесе Зөлфия Рахманова хәбәр итә. Конкурста муниципаль районның 16 яшь инспекторлар отряды катнашты. Команда составында ике кыз һәм ике малай иде.

Конкурс шартлары буенча 5 биремне үтәргә  һәм иҗади бәйгедә сынау узарга кирәк булды. Соңгысында теоретик, практик биремнәр дә эшләделәр.

Нәтиҗәдә, беренче урынны – 2нче мәктәп, икенче урынны – 12нче лицей, өченче урынны 4нче мәктәп алды.

Әлеге конкурсның зональ этабы Әлмәттә узачак, Лениногорскиның 2нче мәктәбенә шәһәр данын якларга туры киләчәк.

Зөлфия Рахманова фотолары