Сез пилмәнне ничек ясыйсыз?

Бездән берничә киңәш: 

* Пилмәнгә дигән фаршка аз гына сөт кушып җибәрсәң, ул йомшак була.

* Пилмән өчен фаршка сыер, бозау ите үзе генә катырак дип уйласагыз, вак кына турап, казның яки үрдәкнең эретелгән эч маен кушарга мөмкин.

* Иттарткычтан чыгарганда ук бозау итенә аз гына каз ите кушып җибәрергә дә була: болай эшләгәндә дә фарш йомшак һәм тәмле килеп чыга.

* Фаршка аз гына кайнаган су кушу да аны йомшак итә (1 кг фаршка – 80 г су).

 * Кайнаган су урынына суытылган ит шулпасы кушсаң, фарш тагын да тәмлерәк булачак. 

 * Фарш йомшаграк булсын дисәгез, тозын, борычын кушкач, аны бик озаклап тукмак белән төяргә кирәк. 

* Пилмәнгә дигән фаршны иттарткыч аша ике тапкыр чыгарсаң да, ул йомшаграк була.

* Фарш йомшаграк булсын өчен, бер генә бәрәңге уып җибәрергә дә мөмкин. 

* Суганны күбрәк кушсаң, фарш тәмле була. 

* Фаршка суган гына түгел, теләгән, яраткан кеше сарымсак та куша ала. 

* Пилмән өчен малның муен ите йомшаграк, тәмлерәк. 

* Пилмән камырына бер аш кашыгы булса да, сыек май кушсаң әйбәт.

* Пилмән камырына аз гына тоз да кушарга кирәк. 

* Пилмән камырына кайнар су кушсаң әйбәтрәк. 

* Пилмән камырына бер кашык кына уксус кушсак, камыр кипми, үзле, йомшак була. 

http://syuyumbike.ru/news/pervoe/sez-pilmnne-nichek-yasyysyz

https://pixabay.com/