Кайчан, нәрсә чәчәргә?
Үзегез әзерләгән орлык тишелерме дип борчылсагыз, гади генә ысул ярдәмендә аның тишелешен тикшереп карый аласыз.
Моның өчен юеш кәгазьгә ун орлыкны салыгыз да пластик савытка куегыз. Кәгазьне көн саен юешләп, дымландырып торырга онытмагыз. Бер атнадан соң орлыкларга игътибар итегез. Ун орлыкның икесе баш калкыткан булса, аның тишелеше – якынча 20 процент, унның сигезе тишелсә, 80 процент дигән сүз. Дөрес, кайбер орлыклар бик озак тишелергә дә мөмкин. Әмма бу ысул күп кенә төр орлыкларның тишелешен дөрес ачыкларга ярдәм итә.
– Һәр нәрсәнең ике ягы булган кебек, кибетләрдән тәкъдим ителгән орлыкларның да төрлесе бар. Орлык алганда нәрсәләргә игътибар итәргә соң? Орлык кабында күрсәтелгән эшләнү вакыты буялган, йә булмаса, кулдан төзәтелгән булса, шикләнергә җирлек бар. Капта орлыкның саны, массасы, партия номеры, аны әзерләгән смена яки төрүченең фамилиясе күрсәтелергә тиеш. Орлыкның кулланылу вакыты капка штамп белән куелырга тиеш. Типография шрифты белән язылган булса, бу каплар алдан ук әзерләнеп куелган, чынлыкта анда кайчан һәм нинди орлык салынганлыгы да билгесез дигән сүз.
– Орлыкны махсуслашкан кибетләрдән генә алу хәерле. Ник дигәндә, әйтик, шул ук базарда сатылганы дөрес сакланмаган булырга мөмкин. Тиешле шартлар үтәлмәгәндә орлыкның сыйфаты үзгәрә.
– Орлык төргәге тыгыз ябыштырылган, тишек урыннары булырга тиеш түгел. Төргәктәге язулар ашалган булса, орлыклар, дөрес сакланмаган, дымланган дигән сүз.
Нәрсәне кайчан чәчәсе?
Февраль. Уңайлы көннәр:
Томат – 13–19, 23, 24
Кыяр – 13–15, 17–19, 22–24
Борыч – 13–15, 17–19, 22–24
Яшел суган – 13–15, 17–19, 22–24
Кәбестә – 17–19, 22–24
Баклажан – 13–15, 17–19, 22–24
Редис, шалкан – 3–9
Кишер, чөгендер – 3–9
Яшеллек – 13–20, 23–25
Бер еллык чәчәкләр – 13, 17, 20, 24
Икееллык һәм күпьеллык чәчәкләр – 13, 15, 18, 25
Суганчалы, клумба чәчәкләре – 13–15, 17–20
Уңайсыз көннәр: 10, 11, 12, 27
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев