21 декабрь- 27 декабрь атнасына йолдызнамә

21.12-27.12

Үгезбозау
Кызның бу чоры сезнең өчен шактый уңышлы булачак. Үзегездә яңа сәләтләр ачарга мөмкинсез. Дүшәмбе көнне яңа дуслар, файдалы элемтәләр табуыгыз ихтимал. Атна уртасы тормышның бар өлкәләренә дә зур өметләр тудырачак. Гаиләле үгезбозаулар мөнәсәбәтләрнең җылынып, яңарып китүен тоячак. Ә ялгызлар сөйгән ярларын очратырга мөмкин.

Игезәкләр
Атнаның беренче яртысында хезмәттәшләрегез белән сүзгә килүдән сакланыгыз. Кайберәүләр үпкә саклап, сезгә аяк чалу өчен мөмкинлек эзләргә мөмкин. Атна урталары эшлекле очрашу, сөйләшүләрдә уңыш китерәчәк. Бу көннәр сезгә акча эшләүнең яңа ысулларын ачып бирәчәк.  Ял көннәрендә сезне бик күп сюрпризлар көтә.

Кысла
Дүшәмбе көн энергетикасы сезгә үзегезгә ышанычны арттырырга һәм бик күп сорауларны хәл итәргә ярдәм итәчәк. Аннан соңгы көннәр киресенчә төрле сөйләшүләр,мөһим карарлар өчен кулай булмыйчак. Атнаның икенче яртысы хезмәттәшлек, төрле инстанцияләргә мөрәҗәгать итү өчен отышлы булачак. Ял көннәрен иң якын кешеләрегез белән үткәрү яхшы булачак.

Арыслан
Бу чорда сез агымдагы ел ахырына гына түгел, 2021 ел башына да йогынты ясарлык кайбер шартлар белән очрашачаксыз. Вакыйгалар шактый уңышлы гына барса да, аларның кайберсе икеләнүләр дә алып киләчәк. Бу хезмәтегезгә бәйле булачак. Арысланнарга сөйләшүләр вакытында сак, пөхтә булырга кирәк, шул ук вакытта башкалар фикерләрен үзегезгә бәйләргә юл куймагыз.

Кыз
Дүшәмбе йолдызларның торышы аркасында кызларга эштә үз-үзләрен кулга алу өчен шактый авыр булачак. Атна уртасы финанс һәм карьера үсешендә яхшы яңалыклар белән сөендерәчәк. Суд яки дәүләт хезмәтләренә мөрәҗәгать итү уңышлы булачак. Атна ахырында үзезезгә ял итәргә мөмкинлек бирегез, ләкин ялның актив төрләрен сайламагыз.

Үлчәү
Сезне шактый катлаулы атна көтә. Кабул ителгән карарлар буенча шикләр туарга мөмкин. Бу аеруча да өйләнешергә теләгән үлчәүләргә кагыла. Сайлаган кешегезнең ихлас булмавына ишарә итүче фактларның ачылуы да ихтимал. Ләкин бу ашыгып, араны өзәргә дигән сүз түгел. Тынычланып, эмоцияләрне читкә куеп, яхшылап уйларга кирәк.

Чаян
Атна башы сезгә яхшы кәеф һәм финанс хәлен яхшырту мөмкинлеге бирәчәк. Ә менә атна уртасында эштә һәм шәхси фронтта кайбер кыенлыклар килеп чыгуы бар. Мөһим карарлар кабул итү һәм җитди үзгәрешләр өчен кулай вакыт түгел. Ялларда сәламәтлегегезгә игътибар итегез, салкын тидерүегез мөмкин.

Укчы
Бу вакыт аралыгы күп кенә мәшәкатьләр китерергә мөмкин. Барысын да ачыклау, тәртипкә китерү өчен бөтен көчне, интуицияне, мантыйкны кулланырга туры киләчәк. Якын кешеләрегез белән аңлашылмаучылыклар килеп чыгуы бар. Атна уртасы ялгыз укчыларга яңа танышулар, яхшы кәеф бүләк итәчәк. Атна азагында әһәмиятле яңалыклар, вакыйгалар көтелми.

Кәҗәмөгез
Дүшәмбе көнне сез бик актив һәм дәртле булачаксыз, эшләгән эшегезнең нәтиҗәсе дә көттермичәк. Атна уртасында дуслар, фикердәшләр белән очрашу файдалы танышулар, элемтәләр булдыруга ярдәм итәчәк. Шәхси тормышта да уңай үзгәрешләр көтелә. Яхшы кәеф сезне атна азагына кадәр озатып барачак.

Сукояр
Бу вакыт аралыгында сез бик күп төрле хисләр кичерәчәксез, шатлык китерүче вакыйгалар да, бераз күңелсез мизгелләр дә булачак. Сишәмбе һәм чәршәмбе күптән көткән хәбәрләр алып киләчәк. Һөнәри өлкәдә премия яки хезмәт хакының артуы көтелә. Пәнҗешәмбедән алып шимбәгә кадәр якыннарыгыз белән аралашканда негатив хисләрне тыеп торыгыз. Ачу килү араларның бозылуына китерә ала.

Балык
Атнаның беренче көнендә сез көч артуны тоеп, иң катлаулы һәм мөһим эшләргә тотыначаксыз. Зур әйбер сатып алу, кредит яки ипотека рәсмиләштерү өчен отышлы булачак. Бу көннәрдә энергияне максималь рәвештә файдаланырга кирәк. Ялларда үз-үзегезне ничек хис итүегезгә игътибар бирегез.