«Ел хатын-кызы. Ел ир-аты: хатын-кыз карашы» конкурсының зона этабында лениногорскилылар җиңү яулады
Лениногорскилылар конкурста 10 район катнашучылары белән бергә ярыштылар.
Әлмәттә " Ел хатын-кызы. Ел ир-аты: хатын-кыз карашы" республика конкурсының зона этабы узды. Анда республикабызның 10 районыннан: Әлмәт, Зәй, Бөгелмә, Лениногорск, Мөслим, Сарман, Азнакай, Ютазы, Баулы һәм Яр Чаллы шәһәрләреннән 40 катнашучы көч сынашты.
Әлеге проект Татарстан Республикасы Рәисе, «Татарстан хатын-кызлары» төбәк иҗтимагый оешмасы, шулай ук ТР Профсоюзлар федерациясе тарафыннан гамәлгә ашырыла.
Лениногорскилылар үзләрен 3 номинациядә тәкъдим итте. "Ир-ат лидер" номинациясендә - ТР трамплиннан сикерү федерациясе президенты, Лениногорск шәһәренең Мактаулы гражданины - Энәс Вәлиев, "Игелекле йөрәкле ир - ат" номинациясендә - "Бердәм Россия" партиясенең җирле бүлекчәсе башкарма секретаре Игорь Храмов җиңүче булды.
Балалар музыка мәктәбе укытучысы Гөлшат Кушилкова - "Хатын-кыз мәдәният һәм рухият" номинациясендә катнашучы Дипломына лаек булды.
Бәйгенең зональ туры җиңүчеләре финалда катнашачаклар, үз номинацияләрендә иң яхшысы исеме алырга тырышачаклар.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев