Игътибар! Конкурс! Катнашырга теләүчеләр бармы? Бүләкләр көтә
Апрель аен без Тукай айлыгы дип йөртәбез. Чөнки бу айда татар халкының яраткан шагыйре Габдулла Тукай дөньяга килгән. Кызганыч, шушы ай аны бу якты дөньядан алып та киткән. Габдулла Тукайның шигырьләрен, әкиятләрен тыңлап үстек. Еллар узгач та шагыйрьне хөрмәт белән искә алабыз.
“Заман сулышы” сайтында “Моңлы Тукай теле” видео-конкурс башлыйбыз. Тукайның шигырен яттан сөйләп, видеога яздырыгыз һәм 8917-927-97-64 номерына ватсап аша җибәрегез. Без аларны http://zamansulyshy.ru сайтында урнаштырачакбыз. Соңыннан тавыш бирү юлы белән 3 җиңүчене ачыклаячакбыз.
Өч урын, өч приз булачак.
Конкурс шартлары:
Конкурсны үткәрү вакыты: 4 апрельдән 15 апрельгә кадәр.
Катнашучылар өчен тавыш бирү вакыты: 16 апрельдән 22 апрельгә кадәр.
Җиңүчеләрне ачыклау: 25 апрель
Катнашучыларның яше: чикләнмәгән.
Бер катнашучыдан – бер видео.
Видеоның вакыты 5 минуттан артмасын.
18 яшькә кадәрге балалар әти-әнисе рөхсәте белән җибәрә ала.
Конкурсны оештыручы:
“ТАТМЕДИА” филиалы, “Лениногорск-информ” филиалы, “Заман сулышы” газеты.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев