«Имтиханнарны җиңеп чыгарга»: Лениногорскиның чыгарылышлары өчен җаваплы чор башлана

Бердәм дәүләт имтиханнары расписаниесе, Лениногорск шәһәре һәм районында күпме укучы БДИ тапшыра, болар хакында Мәгариф идарәсе методисты Татьяна Ильясова белән сөйләшәбез.

-    Татьяна Юрьевна, БДИ кайчан башлана?
-    11нче сыйныфны тәмамлаучы кызлар һәм егетләр өчен беренче БДИ 1 июньдә башлана, тарих, рус әдәбияты, химияне тапшырачаклар. Аннары 4 июньдә – рус теленнән, 8 июньдә – математикадан, 11 июньдә – җәмгыять белеме һәм физиканы тапшырачаклар, 15 июньдә – биология,география, инглиз теленнән язма өлеш, 18 июньдә тәмамлана, ул көнне информатика һәм инглиз теленнән телдән өлешне тапшырачаклар.  

Шулай ук 22 июньнән 25 июньгә кадәр резерв көннәр билгеләнгән, монысы сайланган имтиханнарны үткәрү көннәре туры килгән, яки чыгарылыш сыйныф укучылары җитди сәбәпләр аркасында билгеләнгән көннәрдә катнаша алмаучылар өчен.

-    Аттестат алу өчен ничә фәннән БДИ тапшырырга?
-    Аттестат алу өчен агымдагы елда чыгарылыш сыйныф укучылары мәҗбүри фәннәрне – рус телен һәм математиканы тапшыралар. Шулай ук югары уку йортына керү өчен предметлар да сайларга кирәк. 
   
-    Лениногорск укучылары күбрәк кайсы фәннәрне сайлый?

- Лениногорск районында табигый фәннәр белән кызыксынуның артуы күзәтелә. Күбрәк укучылар техник белгечлекләрне сайлый: чыгарылыш сыйныф укучыларының 65 проценты профильле математика, ә физиканы 32 проценты тапшырырга планлаштыра. Бу чыгарылышлар арасында инженерлык юнәлешләренә ихтыяҗ булуын күрсәтә.

-    Безнең районда ничә укучы БДИ тапшыра?
-    2026 елда 11нче сыйныфны тәмамлаучы 263 укучы бердәм дәүләт имтиханнары -  БДИ тапшырачак, шулай ук 6 кеше – узган елгы чыгарылышлар да бар. 

-    Имтихан тапшыру пунктлары турында берничә сүз.
-    Имтихан тапшыру пунктлары техник әзерлек уздылар һәм имтихан үткәрергә әзерләр. Һәр аудиториядә 15 катнашучы булачак, һәр укучыга аерым эш өстәле булдырыла. 

Барлык оештыручылар гадәттән тыш хәлләрдәге гамәлләр буенча инструктаж узды, шул исәптән пилотсыз очкычлар яки «ракета куркынычы»сигналлары белән бәйле янаулар буенча да.

“Имтихан – сынау гына түгел, ә үз белемеңне күрсәтү, потенциалны ачу һәм хыялга каршы адым ясау мөмкинлеге дә ул. Барлык чыгарылыш укучылары өчен бу чор уңышлы узсын”, - ди Татьяна Ильясова.

Белешмә. 2024 елдан чыгарылыш укучыларына бер фәннән имтиханны яңадан тапшыру мөмкинлеге бирү процессы гамәлдә. Татьяна Ильясова аңлатканча, бу яңалык быел да сакланачак, быел имтихан тапшырырга өстәмә көннәр 8 һәм 9 июльгә билгеләнгән.