Кайбер хатын-кызларны ана капиталыннан мәхрүм итмәкчеләр
Дәүләт Думасы депутаты Виталий Милонов чит илдә бала табучы россиялеләрне ана капиталыннан мәхрүм итәргә тәкъдим итте. Бу хакта ул «Говорит Москва» радиостанциясе эфирында әйткән.
Милонов фикеренчә, хатын-кызлар үзләренә һәм балаларына икеләтә гражданлык тәэмин итү өчен махсус чит илгә китә, шуңа күрә алар Россия социаль программаларына өмет итмәскә тиеш.
— Әгәр ул Аргентинада бала тудыру өчен акча түли икән, Аргентина аның турында кайгыртсын. Алар махсус гражданлык өчен китәләр, бала гражданлык ала. Минемчә, дәүләт Россия әниләренә ярдәм итәргә тели, ә ул Аргентина әнисе булса, Аргентина кайгыртсын, — дип белдерде Милонов.
Депутат фикеренчә, ана капиталын алу өчен ана да, баланың да Россия гражданнары булуын күрсәтергә кирәк. Ул Россиядәге кебек социаль программалар беркайда да юк, дип өстәде.
https://vatantat.ru/2023/02/104812/
https://photo.tatar-inform.ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев