Лениногорск районының мәктәп укучыларын шигырь сөйләү конкурсында катнашырга чакыралар

“Лениногорск – минем күңелемдә” дигән шигырь сөйләүчеләр бәйгесе 11 августта узачак һәм ул шәһәрнең туган көненә багышланачак. Бу хакта Лениногорск Мәдәният сарае хәбәр итә.

Бер шигырьне, татар яки рус телендә, шулай ук Лениногорскида яшәүче башка милләтләр телендә дә ярый, сөйләргә кирәк булачак. Шигырь Лениногорск районына, нефть темасына  багышланган булырга тиеш. Катнашучылар башкару осталыгы, сөйләү техникасы, артистлык сәләте буенча бәяләнәчәк. 

Җиңүчеләрне бүләкләү 18 августта узачак.

Катнашу өчен гаризалар 7 августка кадәр Мәдәният сараена кабул ителә. Тулырак мәгълүмат белән 8-85595-5-10-43, 8917-865-10-55 телефоны аша таныша аласыз.