Лениногорскида Шамил Бикчурин исемендәге иҗат конкурсына гаризалар кабул итү башланды

Конкурста  авторлар һәм иҗат коллективлары катнаша ала, аларның әсәрләре аерым китап булып чыккан, җирле һәм республика газета-журналларында басылган, җирле һәм республика радио-телевидениесе аша эфирга чыккан булуы кирәк, шулай ук конкурста мәдәният һәм сәнгать, мәгариф эшлеклеләре катнаша ала.

Конкурста катнашу өчен заявка конкурс комиссиясенә җибәрелә. Заявкада булырга тиешле материаллар:
-    премиягә дәгъвалаучыны тәкъдим итү,
-    басма яки басма әсәрләр,
-    теле-радио материаллар CD-RW дискларында яки башка электрон җиһазда,
-    музыкаль әсәрләр, җыр текстлары CD-RW дискларында яки башка электрон җиһазда,
-    рәсем сәнгате һәм  график эшләр теләсә кайсы техникада, шулай ук скульптура һәм декоратив-гамәли сәнгать,
-    “Мәдәният” номинациясендә булса – иҗади характеристикалар,
-    - премиягә дәгъва итүченең иҗади казанышларын раслаучы башка документлар һәм материаллар.

Конкурска эшләр Г.Тукай исемендәге Үзәк китапханәдә (Шашин урамы, 41нче йорт) шушы елның 1 декабренә кадәр кабул ителә.

Рәссам Риф Әсхәт улы Хәкимов рәсеме. 

https://archivogram.top/31126443-portret_shamilya_bikchurina__iz_derevahudozhnik__r_a_hakimov фотосы