Әлмәттә бер эт урам буйлап кеше башын өстерәп барган
Кичә Әлмәттә яшәүчеләр бер этнең урам буйлап кеше башын өстерәп баруына игътибар иткән. Әлеге коточкыч хәлнең шаһитлары урынга хокук саклау органнары хезмәткәрләрен чакырткан.
Видеокамера язмаларын өйрәнгәннән соң, этнең урам буйлап кеше башын гына түгел, ә кеше гәүдәсенең башка өлешләрен дә (аяк, кул һ.б.) сөйрәп баруы аңлашылган.
Хәзерге вакытта экспертиза билгеләнгән. Чыганак мәгълүматлары буенча, әлеге калдыклар узган ел ахырында югалган һәм эзләүдә булган 19 яшьлек Әлмәт кешесенеке булырга мөмкин. Кайбер мәгълүматлар буенча, аның психика белән бәйле проблемалары булган.
Барлык сорауларга да экспертиза үткәрелгәннән соң ачыклык керәчәк. Әлеге уңайдан җинаять эше кузгатылган.
https://t.me/novosti_tatarstana1 алынган фото
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев