Марганцовка эчкән иде...

Элегрәк хәбәр иткәнчә, Израильдә дәвалануга 7 миллион сумнан артык таләп ителгән. Сабыйның әти-әнисе акча җыюга бөтен көчен салды һәм  5 февральдә, мөһим яңалык белән бүлештеләр - акча җыелган. Хәзер балага операция ясарга мөмкин булачак, шуннан соң ул үзе сулыш алалачак.

- Күз яшьләре... Бу юлы бу - бәхет күз яшьләре. Бөтен дөньяга чын могҗиза турында кычкырасы килгән мизгел. Сез - безнең кешеләр. Безнең акылга сыймаслык кешеләр сез. Сез төрле-төрле, ләкин сезне бер генә нәрсә берләштерде - Арсланга ярдәм итү теләге. Сез безгә үзегезнең бер өлешегезне бүләк иттегез. Көчләр инде бетеп барган кебек тоелганда, өмет уяттыгыз, ярдәм кулы суздыгыз. Сез безнең проблемага битараф булып, үтеп китмәдегез. Сезнең ярдәм белән без яхшылыкның, бердәмлекнең барлыгын аңладык, - дип язалар Арсланның әти-әнисе  социаль челтәрләрдә.

Малайның әнисе Диана хәбәр иткәнчә, хәзер гаилә дәваланырга очу өчен чикләр ачылуны гына көтә.

https://kiziltan.ru/articles/republic/Margantsovka-echk-n-ide-665023/

 http://baltaci.ru/news/t%D3%A9rlese/margantsovka-echkn-ide