Министрлыкта универсаль пособиене 17 яше тулмаган балаларга билгеләү турында аңлаттылар
Универсаль пособие 17 яшькә кадәрге балаларга билгеләнергә мөмкин дигән карар гамәлдәге кагыйдәләр һәм финанс мөмкинлекләре белән аңлатыла, дип белдерде Россия Федерациясенең Хезмәт һәм социаль яклау министры урынбасары Андрей Пудов. РИА Новости шул турыда яза.
Дәүләт Думасында универсаль пособие турындагы закон проекты буенча фикер алышу барышында министр урынбасарыннан пособиенең ни өчен 17 яшьлек балаларга да кагылмавы турында сорадылар, чөнки бу яшьтәге балалар укуларын дәвам итә һәм балигъ булмаган санала.
«Гамәлдәге кагыйдәләр – Россия Федерациясе президенты указы. Ул пособиене нәкъ менә 17 яшькә кадәрге балаларга түләүне күздә тота», – дип җавап бирде Пудов.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев