«Туган тел» – 2025 елның төп сүзе
«Миллиард.Татар» редакциясе халык арасында үткәрелгән тавыш бирүнең нәтиҗәләрен игълан итте.
2025 елның сүзе - «Туган тел»!
"Миллиард.Татар" редакциясе телеграм-каналында уздырылган тавыш бирүдә 1,2 меңнән артык кеше катнашкан, һәм "Туган тел" иң күп 469 тавыш җыйган! Икенче урында - "Бала", ә өченче урынны "Татар мәктәбе" һәм "Ифтар" бүлеште. Лидерлар исемлегендә шулай ук "Камал театры" да бар.
Сүзләрнең кыска исемлеге 2025 елда Татарстан медиа өлкәсен анализлау нигезендә төзелде. Анда иң күп искә алынган сүзләр һәм гыйбарәләр кертелгән.
Ел дәвамында татар телен саклау мәсьәләсе аеруча кискен торды. Мәктәпләрдә туган тел дәресләрен кыскарту турындагы бәхәсләр, предметның исемен үзгәртү турындагы бәхәсләр һәм Мәскәүдәге татар мәктәбе белән бәйле вазгыять - болар барысы да зур җәмәгать арасында фикерләр куеруга китерде.
"Туган тел" сүзен сайлау татар җәмгыятенең төп авыртуын - туган телнең киләчәге өчен борчылуны чагылдыра!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев