Иске Иштирәк мәктәбе укучылары - табигать сакчылары

Иске Иштирәк мәктәбе хәбәр итә: "Безнең мәктәптә җимлекләр ясау һәм кошларны тукландыруны оештыру буенча «Җимлек» экологик акциясе узды.

Акциянең максаты-укучыларда әйләнә-тирәлекне саклау, табигатькә сакчыл караш тәрбияләү.

Бу акция «Мәктәп урманчылыгы» түгәрәгенә йөрүче укучылар, түгәрәк  җитәкчесе Галәветдинова Рушания, шулай ук Иске Куак урман хуҗалыгы участогы начальнигы Әюпов Ривал Риф улы катнашында узды, укучылар актив катнаштылар. Балалар үзләре җимлекләр ясадылар һәм аларны урманда элделәр".