Лениногорск артистлары “Сулдырмагыз сәрби чәчәген” спектаклен күрсәтте (ФОТОЛАР)

автор, 19 ноябрь 2015 - 05:25

1264

Лениногорск Мәдәният сараенда Р.Шиһап исемендәге халык театры артистлары "Сулдырмагыз сәрби чәчәген" спектаклен күрсәтте. Рәисә Ишморатованың бу әсәрен алар шәһәрнең Мәдәният сараенда беренче тапкыр күрсәтсәләр, шәһәребез районнарында ул инде 22 тапкыр уйналган. Спектакльне карарга шактый халык җыелган иде. Тамашачы спектакльне бик җылы кабул итте, хәтта тын да алмыйча карады. - Мине...

Лениногорск Мәдәният сараенда Р.Шиһап исемендәге халык театры артистлары "Сулдырмагыз сәрби чәчәген" спектаклен күрсәтте.

Рәисә Ишморатованың бу әсәрен алар шәһәрнең Мәдәният сараенда беренче тапкыр күрсәтсәләр, шәһәребез районнарында ул инде 22 тапкыр уйналган.

Спектакльне карарга шактый халык җыелган иде. Тамашачы спектакльне бик җылы кабул итте, хәтта тын да алмыйча карады.

- Мине спектакльгә Энҗе Мусина чакырды. Бик рәхәтләнеп һәм яратып карадым. Хәтта күзләремә яшьләр тулды. Рәхмәт аңа, әле дә килгәнмен. Мәдәният сараеның тамашачы залы да үзгәргән икән, ремонттан соң килгәнем юк иде, - ди Сәрия Каюмова.

Зөмәрә Шәрәпова, 11 нче гимназиянең "Айсылу" театры җитәкчесе:

- Шундый шәп булды! Оста-а-а-а безнен үзешчәннәребез! Юк, үзешчән генә тугел, алар, чын актёрлар! Тулы зал тамашачы тын да алмый карады. Бүгенге көндә балаларыбызга өйрәтерлек бик күп тема күтәрелде. Карасыннар иде дә бит балалар, нишләптер яшьләр дә әз иде залда. Һаман да шул олыгаеп барганда гына, татар телебезне онытып бетергәч, йөрербез микән шундый матур чараларга. Театрның режиссёры Мәдинә апа Сәфиуллинага сокланмый мөмкин тугел! Шәһәребезне театрлы итеп тота.