Республика йөзү ярышларында лениногорскилылар җиңде

Ярышлар Әлмәт шәһәренең “Мирас” йөзү бассейнында үтте.

Бәйге Татарстан спорт йөзүенең 100 еллыгы кысаларында үткәрелде. Көч сынашуларда республикабызның 32 шәһәре һәм районыннан  килгән, 500 дән артык иң көчле яшь йөзүче катнашты. 

Ярышлар программасы үз эченә 50 метрга  ирекле стиль белән, аркада, брасс, баттерфляй стильләре белән йөзүне алган иде.

Әлеге бәйгедә, Лениногорскины  “Юбилейный” бассейнында  шөгыльләнүче 11 баладан торган төркем  тәкъдим итте. Алар барысы да үз яшь төркемнәрендә иң яхшылар рәтенә кереп, лаеклы нәтиҗәләр күрсәттеләр.

Ә якташларыбыз Константин Кожевников һәм Анастасия Кожевникова, барлык көндәшләрен дә артта калдырып, республика ярышларының җиңүчеләре булдылар.