1 апрельдән ташламалы ипотека ставкасы 12 процент булачак
Россия Премьер-министры Михаил Мишустин ташламалы ипотека буенча максималь ставканы 12 процентка җиткерү турында карарга кул куйган.
Хөкүмәткә 1 апрельгә кадәр 12 процентлы ставканы билгеләү бурычын 28 мартта Президент Владимир Путин йөкләде.
Шулай итеп, хәзер ташламалы ипотека ставкасы 12 процент тәшкил итәчәк. Шул ук вакытта торак бәясе кыйммәт булган 4 төбәк (Мәскәү, Мәскәү өлкәсе, Санкт-Петербург, Ленинград өлкәсе) өчен кредит күләме 3 миллион сумнан – 12 миллион сумга, калган төбәкләр өчен – 6 миллион сумга җиткерелә.
Яңа шартлар 2022 елның 1 апреленнән 1 июльгә кадәр гамәлдә булачак. Калган ташламалы ипотекалар буенча шартлар үзгәрми: гаилә ипотекасы буенча – 6 процентлы, Ерак Көнчыгыш ипотекасы буенча – 6 процентлы, авыл ипотекасы буенча – 3 процентлы ставка сакланып кала.
фото: https://pixabay.com/ru
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев