Августтан салым белдерүләре «Дәүләт хезмәтләре»нә автомат рәвештә килә башлаячак
«Салым түләүченең шәхси кабинеты» сервисын кулланучылар өчен Федераль салым хезмәтенең рәсми сайтындагы тәртип үзгәрмәячәк.
Агымдагы елның 1 августыннан физик затларның мөлкәт салымнары буенча салым белдерүләре гомумроссия Дәүләт хезмәтләре порталында кулланучыларның шәхси кабинетларына автомат рәвештә килә башлаячак. Бу хакта Россия Федераль салым хезмәтенең матбугат хезмәте хәбәр итә.
Элек документларны электрон рәвештә алу өчен махсус гариза бирергә кирәк иде. Белдерү кәгазенең күрсәтелгән датасыннан соң, бурычны түләү турындагы таләпләр һәм аны түләтү турындагы карарлар расланган хисап язмасы булган барлык гражданнарның шәхси кабинетларына киләчәк.
«Шул рәвешле, 2025 елгы чорда гражданнар тарафыннан милек салымнарын түләү буенча көзге кампания моннан алдагыларыннан аерылып торачак», - дип белдерделәр Федераль салым хезмәтендә.
Шул ук вакытта, «Салым түләүченең шәхси кабинеты» сервисын кулланучылар өчен Федераль салым хезмәтенең рәсми сайтындагы тәртип үзгәрмәячәк. Дәүләт хезмәтләре сайтында расланган аккаунты һәм салым түләүченең шәхси кабинетына керү мөмкинлеге булмаган гражданнар гына почта аша кәгазь квитанцияләр алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев