Июльнең беренче көнендә нинди һава торышы көтә?

Көндез һава температурасы 20-25 градус җылы була.

Татарстан синоптиклары фаразларына караганда, иртәгә, июльнең беренче көнендә, республикада җылы булачак, шул ук вакытта яңгырлар да көтелә.

ТР Гидрометеорология һәм әйләнә-тирә мохитне күзәтү идарәсе мәгълүматлары буенча, Татарстанда алмашынучан болытлы һава көтелә. Төнлә явым-төшем фаразланмый, көндез республиканың көнчыгыш районнарында бераз яңгыр явачак. Төньяк-көнбатыштан салмак җил.

Төнлә һава температурасы 7-14 градус җылы була. Көндез 20-25 градуска кадәр җылытачак.

2 июльгә каршы төндә Татарстанда болытлы һава көтелә, бераз яңгыр явуы ихтимал. Температура 9 градус җылы тәшкил итәчәк.

http://tat.tatar-inform.ru