Лениногорск кулланучылары өчен ачык ишекләр көне узачак

9 һәм 10 ноябрьдә Бөтендөнья сыйфат көне уңаеннан Татарстан Республикасы буенча Роспотребнадзор идарәсенең  территориаль бүлегендә - Лениногорск шәһәре, Менделеев урамы, 37 йорт адресы буенча (санэпидстанция бинасы) кулланучылар өчен Ачык ишекләр көне үткәреләчәк.

Лениногорскилылар Татарстан буенча Роспотребнадзор идарәсенең территориаль бүлеге белгеченнән товарлар һәм хезмәтләр сатып алганда кулланучылар хокукларын яклау мәсьәләләре буенча бушлай консультация ала алалар.

Чараны үткәрү вакыты 14.00 сәгатьтән 16.00  сәгатькә кадәр. Алдан язылырга кирәк, телефон:  (85595) 5-36-64. 

Шулай ук  8 ноябрьдән 11 ноябрьгә кадәр, 9.00 сәгатьтән  16. 30 га кадәр 5-36-64 номеры буенча, товарлар һәм хезмәтләр күрсәткәндә аларның хокукларын яклау мәсьәләсе буенча кулланучыларның шалтыратуларын һәм консультацияләрен кабул итү буенча «кайнар линия» оештырылачак.