Лениногорскида күпфатирлы йорт фасадларында мурал һәм көзгеле мозаика барлыкка киләчәк

«Татнефть» компаниясе ярдәме белән «Нефть барбизоны» паблик-арт программасы кысаларында 5 августтан Ленин урамы, 6А һәм Шашин урамы, 1А адресы буенча урнашкан йортларның фасадларында сәнгать эшләре башлана. 

Анда шәһәребез табигатенә багышланган ике объект барлыкка киләчәк: мурал (монументаль рәсем) һәм көзгеле мозаика.

Әлеге күпфатирлы йортлар М.Хәертдинов исемендәге балалар сәнгать мәктәбе территоиясендә урнашкан. Композицион үзәк 1984 елда фасадларның берсендә төзелгән «Хезмәт һәм сәнгать берлеге» мозаикасы булачак.